Interlingua e su mil facies

Interlingua se funda sur un facto que se observa in le realitate mesme.

Le uso e mantenimento de un tradition veniente del era classic e sparse in le linguas del populos europee e alteres, cultivate in le seculos.

Le comprehension de iste idea como abstraction es plus importante que le formas de facto que on utilisa in le lingua.

In effecto, grande parte de iste vocabulario non es hereditate directemente del latino, ma formate in un lingua como italiano o francese. Illo se disveloppava in iste lingua e se spargeva con le uso del tradition del vocabulario international solmente como medio, non como su fonte.

Le methodos de extraction del vocabulario, anque si su objectivo es esser directe e objective, ha elementos arbitrari e personalistic. Le idea fundamental es le hereditage e disveloppamento linguistic commun e non le forma final de interlingua, que es assatis arbitrari.

Il es, in ultra, parte fundamental in linguas natural le variationes in accento, lexico e morphologia.

Interlingua usa ben iste characteristica fundamental. In altere linguas auxiliar, quando on cambia mesmo legermente un particula o su uso, on crea un contradiction in le systema grammatical que face riscar le proprie unitate del lingua e le surgimento de un nove dialecto.

In interlingua isto non occurre, on pote usar multiple formas, parolas e constructiones de maniera multo libere sin que le lingua se frange in diverse dialectos.

Isto occurre justemente proque interlingua ha potite emular le ganios e efficientia del linguas natural.

Le linguas natural totes ha essite depurate in le seculos, illos ha create per le uso un systema con redundantias util e con un large possibilitate de comprehension que non se basa solmente sur le abstraction de un lema sur un dictionario como forma unic, lo que possibilita al parlatores comprender variationes natural del lingua, independentenente de divergentia phonetic o lexical.

Isto es parte natural del systema linguistic de tote le linguas natural. Le absentia de illos in le linguas artificial face que illos perde capacitate de expression, de adaptation e que illos se manteni in un stato extrememente instabile que tende al naturalisation, que solo se evita con le constante intervention appassionate de parlatores troppo zelose.

Lege plus

Interlingua basic resources for beginners

Interlingua basic resources for beginners

Dictionaries

- Glosbe

- Union Mundial Pro Interlingua

- Dictionario Anglese-Interlingua (PDF)

- English to Interlingua Android App

- Interlingua Dictionary iOS App

Courses

- UMI course in 15 lessons

- Curso de Conversation

- Lege interlingua e apprende su structura (Read Interlingua and Learn Its Structure)

- Memrise Interlingua pro Comenciantes, Interlingua 1 with audio

- Interlingua Grammar and Method: For the Use of The International Vocabulary As An International Auxiliary Language And to Increase Your Word Power (Amazon) 

Grammar

- Annotated Interlingua Grammar

- The Essentials of Grammar

- Summary of Interlingua Grammatical Forms

- Complete Bilingual Grammar

Free Books

- Bibliotheca de UMI

Podcasts

- Radio Interlingua

Social Media

- Facebook Group

- What's App Group

- Telegram Group

Spellcheckers

- Corrector Orthographic de Interlingua Firefox Add-on

- Spellchecker.net

Lege plus

On vende linguas, on vende interlingua

Il ha un "industria del polyglossia", si vos observa ben le comportamento del personas qui apprende linguas al internet.

Le polyglottas del internet vide le linguas ja sub un formato limitate, un ben de consumo que illes pote adquirer per certe effortio e moneta.

Illes usa quasi le exacte mesme recursos pro tote le linguas: duolingo, memrise sur internet, le cursos teach yourself, assimil e pimsleur, lecturas facile (readers) in general e alteres.

Illes mesmo non pensa antea de comenciar a apprender un lingua, on va directemente a iste mesme recursos, que on trova de forma consistente in archivos "language learning collection" in formato torrent.

(Isto distorque le realitate del lingua, que ha naturas tanto differente como le milles de modos de viver e de pensamento del esser human e los "molda" e limita pro que illos pote star in le formato del curso. In general, ma non sempre. Comocunque, isto es lo que iste industria del polyglossia nutre e incentiva. Ma isto es un subjecto pro altere post.)

Pro popularisar interlingua in iste medio alora, on debe obligatorimente haber iste recursos, le plus popular, los que le gente accessa facilemente e quasi sin pensar, o recursos equivalente. Con isto, le impulso verso le apprentissage de interlingua essera multo plus grande.

Lege plus

Spirito de familia

Traducite a interlingua, originalmente in francese ab http://fle.asso.free.fr/Presse/Mdiplo200501-11842.htm

Per Françoise Ploquin

Redactrice en chef de Français dans le monde, Paris.

On ha un sensation de inconforto quando un francese utilisa le anglese pro demandar informationes in un strata de Firenze, de Sevilla o de Coimbra, sin parlar de Montevideo o de Porto Alegre.  O quando un hispanophono o un lusophono age assi a Paris.  Iste attitude ignora le parentato inter le linguas de Europa del Sud (e dunque de America Latin) surgite del latino.  Inter le linguas romanic - francese, italiano, espaniol, catalano, portugese, romaniano - , le intercomprehension es non solmente desirabile, mais illo es possibile e rapide a acquirer. Le intercomprehension es le facto de comprehender alcun linguas sin parlar los: cata un parla o scribe in su proprie lingua e comprehende o lege celle del altere. Iste practica, que non necessita alcun cognoscentia anterior del latino, pote possibilemente soldar un insimul de paises pertinente al mesme familia de linguas e qui ha interesses e culturas proxime.

Pro un parlator de un lingua romanic, le altere linguas del familia es plus immediatemente transparente que le alteres. Le mesme va pro le parlatores del familia del linguas slavic - russo, polonese, chec, serbo-croate e bulgare - e pro illes del familia del linguas germanic - anglese, germano e nederlandese. Le scandinaves ha comprendite ben iste notion de familia de linguas e, desde multo tempore, un danese, un norvegiano e un svedese pote comprehender se parlante cata un su lingua. Le habito de appoiar se sur le similaritates (que on debe preferer usar quando on se exprime) e le studio del differentias systematic (que on debe saper, pro que illos non perturba le comprehension) permitte al scandinavos communicar se facilemente inter illes e anque exister como communitate.  Il ha quasi un seculo que, in cata un de iste tres paises, on inseniar al schola le bases del grammatica del linguas del altere duo.

Durante le ultime seculo, alcun interessante recercas ha essite conducte sur le apprentissage del intercomprehension del linguas romanic.  In le programma european "Lingua", duo projectos conducte in ligation con altere equipas de altere paises de lingua neolatin de Europa ha permisse un grande numero de observationes e de experimentos: Galatea, sub le responsabilitate de Louise Dabène (universitate Stendhal-Grenoble-III), e Eurom4, sub le direction de Claire Blanche-Benveniste (université de Provence - Aix-Marseille) Alcun material ha essite producite, illo demanda hodie de esser actualisate e developpate. Altere passionates continua lor labor a Roma, Barcelona e Reims.

Le universitate danese de Aarhus, fortalessa del experientia scandinave, monstrava que le mesme resultatos pote esser obtenite in le gruppo del linguas latin.  In Argentina, un forte colonia italian perseque le apprentissage del linguas del Cono Sud. Al University of British Columbia (UBC) de Vancouver, le departimento de francese, in perdita de velocitate, se recuperava proponente le initiation al linguas romanic.  Le labores conducte con equipas de studiantes voluntari, mais non specialiste (Eurom4), montrava que in sexanta horas un locutor de un lingua romanic deveni capabile de leger e comprehender textos in tres altere linguas (libros, encyclopedias, articulos).  Pro la majoritate del subjectos, il es necessari totevia un poco plus de tempore pro esser capabile de dominar le comprehension del oral (conversation, films, radio e television).

Le diffusion de iste methodos in le systema educative mira un grande obstaculo: illos non ha derecto de esser recognoscite in le definition del politicas official de inseniamento de linguas e, dunque, in le formation de professores. Prestes a inseniar solmente un linguas estranier, convictes de que lor mission es le transmission integral del lingua a lor alumnos, le magistros non pote non monstrar lor contrarietate a le inseniamento de un competentia partial, reductrice a lor oculos. Pro vincer iste resistentias, e in le ambito de un nove politica, le formationes deberea haber in conta non plus un linguas solmente, mais un familia de linguas. Un professor qui domina plure linguas haberea un vision plus juste de cata un de illos e le tolerantia con grande chances reimplaciarea le exigentia de perfection: le intercomprehension face, in effecto, un appello al virtutes del "approximative", que permitte avantiar, e al disintrication, al astutia.

Tote le specialistas sape que le acquisition de un linguas estranier in su totalitate permane un interprisa difficile e de longe termino e que le bilinguismo real es un mytho, salvo con alcun personas submerse desde lor infantia in un universo bilingue o qui ha passate un parte de lor vita in un pais cuje lingua illes ha assimilate. Con le technica del intercomprehension, con cata un del parte qui ascolta le altere, le production in lingua estranier deveni inutile. Le parte plus difficile del apprentissage, celle qui mitte in action le mechanismos plus complexe, es assi suppresse. Le ganio de tempore e in effortios es considerabile.

Repensar le apprentissage in terminos de familias de linguas haberea multiple avantages. In le plan individual, sentimento de equalitate e conforto es compartite: necuno abdica de su lingua pro adoptar celle del altere. Le attention es mobilisate solmente al phrases que on ascolta e, assi, le fatiga es reducite. Cata parlator pote exprimer se de maniera precise e nuanciate. E, al nivello politic, tanto europee como international, iste apprentissage ingagiarea un dynamica de multipolaritate e de democratia linguistic facie al hyperpotentia e al lingua unic.

Lege plus

Esquematismo em línguas naturais

Nota-se na língua inglesa um grande número de vocábulos emprestados do normando, língua latina aparentada ao francês, considerada em certos aspectos como um seu dialeto. Tais palavras, quando observadas atentamente, destacam-se por alguns motivos, entre eles o seu "destacamento" em relação à estrutura, a transparência com que demonstram os morfemas a si adjuntos e, consequentemente, com a sintaxe.

A grande maioria dos verbos regulares da língua inglesa é de origem latina. Acopla-se-lhes o sufixo "-ed" para formar seu passado simples e particípio passado. Os verbos irregulares, por outro lado, têm formas "opacas" em relação à sua função e frequentemente confundem-se entre os estudantes de inglês os dois tempos verbais mencionados, fato que faz com que incorram em erros gramaticais.

Diverso e muito interessante é o que se pode inferir, de modo geral, desta característica da língua germânica. Pode-se, por exemplo, especular que as línguas com estrutura mais regular e que dão maior aparência de serem "esquemáticas" são aquelas cujo léxico é mais permeado por palavras de empréstimo e neologismos, como por combinação de palavras da própria língua. Imagino que tal se deva ao fato de adicionar-se naturalmente os sufixos que darão sentido à palavra da língua fonte na língua original, enquanto que os componentes morfológicos visíveis de palavras arcaicas se perdem no tempo sob o processo das mudanças fonológicas.

Note-se a grande transparência morfo-sintática presente em pidgins e crioulos, casos particulares devidos a um processo semelhante ao acima descrito, de maneira generalizada.

Outro algo que se pode imaginar possível, a partir do que se constata, é o possível uso pedagógico advindo do uso de tal vocabulário no ensino de línguas estrangeiras. De fato, esse tipo de transparência é uma das maiores vantagens alegadas em línguas auxiliares artificiais, desenhadas para serem de fácil aprendizado.

Uma questão um pouco mais abstrata que me ponho é, ainda que já fugindo ligeiramente do abordado: Seriam as línguas, nas suas formas mais arcaicas, mais próximas de suas gêneses (se é que isto existe, ou ainda pelo menos em sua forma literária) dotadas de uma "aparência" mais transparente ou mais opaca, da qual se derivariam os morfemas mais fundamentais? Seria algo cíclico?

Lege plus

Parentia - Parecência

Pro illes qui es idiota, il non importa le essentia, solmente le parentia.

Pra quem é burro, não importa a essência, só a parecência.

Lege plus

Esperanto vs. interlingua (articulo svede)

Traducite per mi ab le svedo ad interlingua, ex le link http://volante.se/texter/esperanto-vs-interlingua/

15 decembre 2014

Que es un lingua sin parlatores? Eh, non un grande cosa. Forsan un effecto sonor? In Star Wars le plus grande parte del linguas es solmente effectos sonor, il esseva le legendari designer graphic Ben Burrt le responsabile de disveloppar le huttese, le jawaese, le ewokese e le blip del R2-D2 On se effortiava multo a facer un lingua credibile e differentiate - ma solmente como effecto sonor.

Ma anque si le linguas de Star Wars non es linguas construite como klingon, dothraki o quenya, illos anque ha parlatores. Le ewokese es parlate per le astute ursettos sur le luna Ewok e le huttese es un villan lingua franca parlate, originalmente, per le limaces gigante Hutt. Excepte celle estranie parlatores e lor culturas alien, celle linguas es nihil plus que solmente ruito e non evelia interesse presso le fans.

In le interessante articulo "Star Wars Ewokese to Star Trek Klingon: how do you invent a language?" sur the Guardian in le ultime septimana, le professor de linguistica Doug Ball, de Truman State University in Missouri, dice: “It’s important to have some cultural identity behind the language because no language is spoken in a cultural vacuum."

Un lingua necessita un identitate cultural, proque necun lingua pote exister in un vacuo cultural. Illo necessita parlatores e lor cultura.

Pote illo forsan explicar proque le idea genial de Interlingua ha nunquam vadite lontan? Interlingua es un typo de "nove latin", un lingua international auxiliari basate sur le vocabulario commun del grande linguas europee, con un grammatica simplificate. Le lingua esseva disveloppate per le International Auxiliary Language Association, sub le direction de Alexander Gode, e lanceate in le comencio del annos 50.  Le idea es identificar parolas que es commun in le linguas occidental, dunque un parola debe esser in al minus tres linguas, inter anglese, francese, espaniol, portugese, italiano, germano e russo, pro esser un parola in interlingua. Como il ha multe parolas romanic implicate, illo es in practica solmente "nove latin", ma con un grammatica simple e regular. Comocunque duo parolas ha pervenite al vocabulario international: ombusman e smorgasbord.

Totes qui parla un lingua romanic pote comprender interlingua a prime vista, ma anque qui studiava anglese e un poco del linguas romanic pote leger e comprender le lingua directemente. Pro exemplo:

Milliones comprende immediatemente interlingua

Instrumento moderne de communication international

Tu fructo es plus bon que mi fructo.

Jepp, miljontals människor förstår interlingua direkt och det är ett modernt instrument för internationell kommunikation. Och din frukt är bättre än min. Sin problemas pro comprender.

Ergo interlingua anque ha uso in le resumos e in le contexto scientific, principalmente jornales de medicina - le scientias medic ha incorporate un parte vermente considerabile de conceptos in latin.

Le grammatica necessari a apprender lo pote esser scribite sur un folia de papiro A-4 o duo e tu ja cognosce grande parte del vocublario. Dunque un lingua auxiliari international perfecte! Proque nos non lo apprende in schola?

Le critica es basate, obviemente, sur le vocabulario commun del linguas europee. Si on habeva mittite solmente un poco ab altere linguas mundial como chinese, arabe o hindi - illo esserea plus difficile. Probabilemente un tal lingua mundial non esserea plus facile a comprender pro multos, ma minus facile pro multe alteres.

Anglese, francese e espaniol ha essite grande linguas colonial e es in effecto inter le plus parlate como secunde lingua in multe regiones del mundo. Anque si le anglese es un lingua de base germanic, illo ha un grande vocabulario de origine latin. On trova parolas latin como presto anque in linguas non-europee.

Totevia, il ha solmente alcun miles qui studia e parla interlingua. Il pote esser ver que multe milliones comprende interlingua, ma il ha pocos qui lo pensa como un lingua international e qui pagarea pro apprender lo.

Si on compara con le esperanto, que es largemente le lingua auxiliar construite plus parlate, que pote haber circa 50 000 e 2 milliones de parlatores - e de facto anque alcun centenas de parlatores native (le plus cognoscite es le magnate Georges Soros) -, on vide que interlingua es multo retro. Ma il non ha multos qui comprende esperanto. Anque si le esperanto es anque construite majormente sur radicales latin, illo non es como interlingua, lo qual on comprende directemente tote le significatos. Le inventor del esperanto, Ludwig Zamenhof, habeva un altere perspectiva in relation a Alexander Gode. Esperanto es un lingua agglutinante que creava su proprie radicales ab prestos de altere linguas e alora los combinava pro crear altere significatos. Pro exemplo, "hospital" in esperanto es "malsanulejo", formate per mal-san-ul-ej-o, que significa alco como "local pro non-san-persona" (le synonymo "hospitalo" es usate anque). In interlingua on dice simplemente "hospital". Pro multe europeos o pro qui parla anglese, illo es facile e clar, ma le construction "logic" de parolas in le grammatica pote facilitar le lingua pro illes qui non parla anglese o linguas romanic.

Io donava un exemplo de quanto "alien" esperanto pote semblar in contrasto con interlingua anque si le origines es le mesme:

Esperanto: La gepatroj amas siajn bonajn kaj fidelajn knabinojn.

Interlingua: Le parentes ama lor bon e fidel pueras.

Föräldrar älskar sina snälla och tillgivna barn. (Parents love their good and faithful children).

Dunque, mesme radicales latin, ma le esperanto liga le mesme parola in un modo "alien". Altere parolas e significatos e practicamente equal. Prende, pro exemplo, le prime linea del oration "Patre nostre":

Esperanto: Patro Nia, kiu estas en la ĉielo

Interlingua: Patre nostre, qui es in le celos

A prime vista, interlingua realmente sembla haber melior que esperanto, con un gruppo multo plus grande de personas qui lo comprende sin haber lo viste antea. Io crede que le ration pro que esperanto lo equilibra es que illo es un lingua multo plus grande que prospera. Illo es como Doug Ball citava supra. Un lingua debe haber un identitate cultural. Necun lingua pote prosperar in un vacuo cultural.

Le plus importate es, dunque, non un lingua perfecte comprendite per multos, sin le idea que in un communitate global omnes parla le mesme lingua "neutral".

Esperanto ha habite desde le comencio un forte foco in construer intercomprension e pace international. Alcunes del prime textos de Zamenhof in esperanto esseva le hymno sur le pace. On ha desde tosto un ideologia, le "interna ideo", que cresceva con symbolos como le stella verde de cinque punctas e un bandiera proprie (verde con un quadro blac supra, con dentro le stella verde), litteratura traducite, nove litteratura e musicas. Desde le comencio on construeva conscientemente un cultura - le plus importante non esseva un lingua perfecte que pote esser comprendite per multos, sin le idea que in un communitate global omnes parla le mesme lingua "neutral".

Le mesme cosa vale pro elfic, klingon, na'vi e tote le altere linguas del passato que surgeva ab le cultura popular e ganiava un vita foras de su genero - illos ha un cultura interessante que los susteni. Il ha alco plus que solmente un lingua. Sin le culturas fictional le interesse in le linguas probabilemente esserea complemente morte.

Un plan central pro interlingua es obtenir un identitate plus clar e un cultura interessante! Forsan un collaboration con Mars One, que va construer un colonia sur Marte in 10 annos per le medio de crowdfunging? Non esserea il cool si omnes parlava interlingua (martiano) in le prime planeta colonisate per le humanitate?

Lege plus

Interlingua sur le etiquettas de productos

Il es un pena que interlingua non es, nec minimemente, usate pro su scopo primordial, le scientias. 

Ego notava que, hic in Brasil, il ha ja alcun annos, sur le etiquettas de productos como shampoos, sapones e dentifricios appare le description del componentes chimic exclusivemente in anglese. 

Un cosa interessante es que le acqua es marcate sempre como "water (acqua)". Ego non sape ben le motivo, sed ego imagina que se tracta de un parola que diverte drasticamente del alteres, majoritarimente de origine latin. 

Interlingua esserea le lingua optime pro iste function, etiam si le anglese non es un lingua mal pro tal finalitate, considerate le forte approximation de su formas orthographic con le parolas latin originari.

Lege plus

Metaregulas in interlingua vs. conlangs normal

Interlingua non ha regulas definite, sed "metaregulas", regulas de como obtenir regulas linguistic. Illo vole dicer que nemo ha le autoritate de simplemente imponer un cambio a interlingua. Lo que pote occurrer es un interpretation differente del regulas, lo que, comocunque, non facera un grande differentia in le lingua.

Le proba de isto es le grande quantitate de "dialectos" e, specialmente, "idiolectos" (dialecto de un individuo) inter le parlatores de interlingua. Isto non compromitte nihil in le communication.

Ja esperanto es un altere historia. Le fundamento determina, ad hoc, cata regula del lingua e cata parola. Lo que face que le fundamento deveni como un libro sacrate del lingua, que non accepta necun cambiamento.

In ultra, le structura mesme de esperanto difficilmente accepta cambiamentos, quia le morphemas es stablite de un forma geometric a fin de maximisar le facilitate del apprentissage. Si on cambia qualcosa in esperanto, su consequentias es imprevisibile.

Le personas prende multo tempo a comprender que le concepto de interlingua non es le mesme del conlangs commun. Illo non ha le natura descriptive, minutiose e detalista de iste linguas, on non ha seligite su parolas e structura. On ha seligitie principios que lo face.

Lege plus

Ancora un recolta de commentarios, sur interlingua e esperanto

Ecce un parve recolta de commentarios que ego ha facite hodie sur facebook, discutente qual es le structura plus facile a apprender: celle de esperanto o celle de interlingua. Illo comenciava con le discussion sur le nomine del pagina "Interlingua: Le esperanto que tu jam comprende".

Illo esseva solmente un phrase de effecto, basate sur le facto que esperanto ja ha entrate al imaginario popular como synonymo de lingua artificial create, mentre interlingua ancora non ha un popularitate tanto grande, anque si illo es un lingua con multo plus potential que esperanto.

Nunc, Ferdinand, sur le observationes que vos faceva sur le structura de interlingua: illo non es facile solmente a qui es parlator de linguas similar, ma a omnes, quia es naturalmente plus facile comprender le structura analytic e con poco flectiones de interlingua que le systema intrincate de suffixos del esperanto, qualcunque sia tu lingua matre. Basta que on memorisa alcun parolas pro comenciar a parlar interlingua, mentre que, pro parlar esperanto, on debe sacrificar se durante alcun tempo pro arrivar al punto in le qual on realmente gaude del suffixos e del structura del esperanto.

Le regularitate morphologic de esperanto le dona plus libertate, ma permitte anque plus complexitate syntatic. Le plus grande parte del linguas non permitte un tanto grande libertate de positiones como esperanto, lo que fini in render lo plus difficile a comprender. Le personas ha multo plus facilitate a comprender un lingua con un ordine plus stabile.

Le personas debe vider le suffixos in interlingua non tanto como particulas que les permitte expressar parolas differente, sed plus como un adiuta pro comprender los e memorisar los, simplemente. Obviemente on ha plus travalio in le parte del vocabulario assi, proque on debe apprender cata parola de forma plus o minus isolate, on non pote simplemente inventar parolas nove.

Comocunque, le necessitate de illo in interlingua es multo plus parve, quia le lingua permitte que nos crea periphrases in loco de crear parolas como in esperanto, lo que es ancora plus facile a omnes. Iste tempore un poco plus grande pro memorisar le vocabulario es compensate con multo minus tempore de studio del syntaxe.

 E pro completar, ego sape que anque esperanto permitte que on forma sia constructiones plus agglutinative sia que on profita del capacitate de criar periphrases.

Ma al fin, solmente un parve numero de personas usa le capacitates agglutinative del esperanto con maestria. Le plus grande parte del esperantistas apprende le parolas e los utilisa como si illos esseva un blocco, e non como le affixos suggere, variante poco o nihil le structura del phrases. Al fin, iste personas usa esperanto como interlingua, sed con parolas esperantic.

Lege plus

Lingua artificial

Interlingua non es un lingua artificial "naturalisate" sed un lingua natural "artificialisate"...

Illo vole dicer que interlingua non es un lingua artificial create al qual postea il ha essite donate un apparentia de naturalitate, ma un (conjunto de) lingua(s) natural que on ha schematisate, il es dicer artificialisate, a un certe mensura.

Lege plus

Le latin realista

Interlingua es un latin realista.

Ponte del Gard, Francia

Lege plus

Un commentario sur le avantages del romanophonos in interlingua

Haber un facilitate plus grande in un lingua non es le mesme cosa que haber iste lingua como lingua native. Le facto que le anglese es "injuste" in le communicationes international se debe al domini native que alcun personas ha de illo. Interlingua, anque si plus facile a alcun personas, es lingua native de necuno. Illos es cosas completemente differente. Si on vole un lingua que non da NECUN advantage a alcuno, on debe adoptar un lingua equalmente alienigena a omnes.

Comocunque, iste obsession equalitari, commun a multe personas qui parla linguas auxiliari e in le base mesme de alcun de iste linguas, parte del principi que un lingua, assi como un comunitate de parlatores es un tabula rasa que pote simplemente adoptar un nove lingua, comenciar ab zero. Ego es completemente contra iste vision del mundo, sia in le linguistica, sia in le vita in general, pro isto ego seligeva parlar e promover interlingua, e non altere lingua como esperanto. Interlingua parte ab le realitate e non ab desiros completemente aleatori de un persona. Vide, comocunque, ego non dice que interlingua es perfecte, ma illo es le minus defectuose de omne linguas auxiliari.

Iste specie de obsession al equalitate in le aspectos linguistic de un lingua auxiliari ignora completemente multe aspectos del linguas in general e prende un puncto de vista unic como le veritate absolute. Illo es un specie de complexo de Fourier linguistic.

Interlingua, anque se non ben intelligibile a omnes, es le lingua plus intelligibile possibile al maximo numero de parlatores.

Il ha anque un parte objectiva del comprehension linguistic, il ha elementos que es particularmente plus facile a omnes, independente del origine del personas. Le linguas isolante e analytic, pro exemplo es plus facile qualcunque sia le lingua native de uno. Le scriptura chinese es objectivemente plus difficile que un alphabeto.

On debe memorar anque que nos parla de un lingua auxiliari, non de un lingua native. Le personas nasce con le capacitate de apprender qualcunque lingua on parla in su medio, ma un lingua auxiliari, sempre apprendite in circumstantias differente, debe limitar se al characteristicas plus simple e universal.

http://commons.wikimedia.org/wiki/File:Spqrstone.jpg

Lege plus

Lingua neutre

Il es impossibile crear un lingua culturalmente neutre, excepte si on crea un lingua con un grammatica e, specialmente, un vocabulario plus o minus randomic. Lo que, probabilemente, essera equalmente difficile pro parlatores de qualcunque lingua. Interlingua nunquam ha habite le intention de esser culturalmente neutre, quanto al origine del parolas. Illo es totalmente dependente del latin. 

Comocunque, interlingua attinge le maxime numero de personas possibile, in terminos de intelligibilitate. Il es melio que un lingua attinge un grande intelligibilitate a un numero grande de personas, que un lingua que es un mixtura aleatori de parolas, comprendite per necuno.

Lege plus

Le mundo

Le mundo respecta solmente qui lo desprecia.

Lege plus

Anima

"Non in pane solo vivet homo sed in omni verbo quod procedit de ore Dei" 
(Latin)

"Non de pan solo vive le homine, sed de omne parola que procede del ore de Deo." (Interlingua)

"Non di pane soltanto vivrà l’uomo, ma d’ogni parola che procede dalla bocca di Dio."
 (Italiano)

Lege plus

Commentario sur esperanto

Iste es un commentario que ego ha facite sur Facebook, cuje contento me placeva. Le contexto es le sequente: Un persona diceva que esperanto es un lingua ideal pro le proletarios, que interlingua es un lingua que serve solmente a intellectuales (o qualcosa del genere). Ego le suggereva que ille inseniava le caso accusative a un proletario. Un altere persona interveniva, dicente que ego trovava le proletarios ignorante, inter altere cosas sur esperanto. Iste es mi resposta.

Ego non lo ha dicite. Le condition intellectual de un persone non pote esser definite per conceptos como racia, credentia e classe. Cata anima es un anima. In ultra, intelligentia non es le unic factor que limita le possibilitate de appentissage. Qui ha iste prejudicio es le persona a lo qual ego respondeva e anque vos, que videva in mi texto un pensamento que ego non ha habite. Le motivo es le ideologia que vos ambe seque.

Quanto al esperanto ego es de accordo con vos in grande parte. Lo que ego voleva evidentiar es que simplemente combinar suffixos non dona un nove suffixo. Exemplo: krayono e plumo ambe es skribilo. Sur qual criterios ha Zamenhoff seligite iste parolas? Sur su autoritate como creator. IALA jectava un base plus scientific sub su creation, anque plus legitime e democratic. Illo ha vita. Esperanto debe contar con un autoritate que utilisara criterios subjective e infondate pro crear nove lexemas. Ego sape que parolas surge spontaneemente in esperanto, ma iste phenomeno es rar e instabile.

Sur le accusativo, illo es absolutemente plus difficile. Le evolution del linguas monstra que le structuras in quasi omne lingua moderne cata vice es plus analytic, orientate pro le ordine. On observa anque facilmente que il es plus facile que un persona qui ha como lingua materne un lingua plus synthetic apprende e comprende melio le linguas de structura analytic. Illo non es un relation symmetric. Anque le structura del linguas creole contribue con iste puncto de vista.

Sin voler crear un combate inter le linguas e con respecto.

Un exemplo sur le qual ego voleva parlar e ha oblidate, es le latin antic e le actual linguas romanic. Descontate le differentias de vocabulari, qui, pensa vos, apprenderea e comprenderea melio le altere?

Necuno me ha respondite. Ego ancora attende. Ego nunquam ha trovate alcuno qui esseva de accordo con me sur le plus grande facilitate del linguas analytic.

Lege plus

Lacrimarum valle

Não importa quanto estejamos desesperados na vida, nesse vale de lágrimas, sabemos que sempre existe aquela ponta de certeza de que a misericórdia divina é infinita...

Il non importa quanto nos es desperate in le vita, in iste valle de lacrimas, nos sape que sempre existe ille puncta de certitude que le misericordia divin es infinite...

Lege plus

Autoritate

Quanto plus autoritate le factos e le realitate habe sur te, tanto plus libere tu es.

Lege plus

Le brasilianos

Le brasilianos es un populo talmente humile que alcunes de a vices dice le sequente proverbio: "Deo es brasilian". 

E illes accusa le argentinos de arrogante...

Lege plus